Basale enkundleni bedubulana namaphoyisa eWasbank
Kufe abasolwa ababili abebefunelwa amacala okugebenga izimoto zemali.
Image: SAPS
Kufe abasolwa ababili abebefunelwa amacala okugebenga izimoto zemali esifundazweni.
Laba basolwa batholane phezulu ngenhlamvu namaphoyisa ngoLwesine emzini eWasbank, ngaseMnambithi.
Ngokwesitatimende samaphoyisa, abelandela umkhondo wabasolwa abafunelwa amacala ayisithupha okugebenga izimoto zemali KwaDukuza, Verulam, Nyoni, Greytown, Phoenix naseLangslaagte phakathi kukaJuni 2022 noMashi 2025.
"Amaphoyisa athole umbiko ngomuzi abebecashe kuwo abasolwa, afikile azibika kodwa abasolwa bavulela ngenhlamvu. Umsolwa oyedwa kwabashonile oneminyaka engu-43 ubefunelwa icala lokutholakala neziqhumane futhi kukhona nencwadi egunyaza ukuboshwa khwakhe."
Amaphoyisa athole izibhamu ezimbili kubasolwa.