Babili abadlule emhlabeni engozini eyenzeke kuN2
Kufe ababili kwalimala abayisikhombisa engozini eyenzeke kuN2 ngaseMandeni
Image: IPSS MEDICAL RESCUE
Kudlule abantu ababili emhlabeni walimala kabi abayisikhombisa ngengozi eyenzeke kuMandeni Link Road ngoMgqibelo ntambama.
Abezimo eziphuthumayo ngaphansi kwenkampani i-IPSS Medical Rescue baphuthume bafike kule ngemuva kwesikhashana kushayisane izimoto ezimbili ezincane emgwaqeni oxhumanisa iMandeni noN2.
Imoto enombala o-silver ibihamba nabagibeli ababili, ngeshwa kushone owesifazane oyedwa omunye walimala kwanzima. Imoto enkulu enombala omnyama ibihamba nabantu abayisikhombisa, ngeshwa umshayeli olimale kanzima washona Kona lapho, abagibeli abayisithupha balimala kanzima.
Bonke abalimele balashelwe endaweni yesehlo ngaphambi kokuphuthunyiswa esibhedlela.