Amaphoyisa kamasipala azithele kwabokufika behleli nesidumbu emotweni
|Published
Imoto okutholakale kuyo abakufika abathathu nesidumbu somuntu ongaziwa
Image: TMPD
AMAPHOYISA kumasipala waseTshwane esifundeni sesithupha eMamelodi abeqhuba umsebenzi wosuku ngesikathi ebona imoto imi phakathi komgwaqo uSolomon Mahlangu, eMamelodi East.
Ngokwesitatimende sawo, asondele kule moto ukuhlola isimo afica amadoda amathathu adabuka eSomalia ephakathi emotweni.
Amaphoyisa aqhubekile ahlola imoto eyibona inegazi ngaphakathi. Yilapho athole khona isidumbu somuntu. "Umufi kubukeka sengathi udutshuliwe."
Bobathathu abasolwa babe sebeboshwa. Icala liphenywa ngabe-South African Police Services.