Akulimalanga muntu kushaywa imoto yemali
Simangaliso Ntshangase|Published
Bashaye bachitha nesamba semali abangaziwa abasolwa abashaye imoto yemali KwaMashu ngoLwesithathu emini.
Image: SITHUNYELWE
AMAPHOYISA athungatha abasolwa okungakaziwa ukuthi bangaki, kulandela isigameko sokudunwa kwemoto yemali okwenzeke emgwaqweni uNyala eNtuzuma izolo emini, okwenziwe abathile maqede bashaya bachitha nemali.
Kwi-video esabalale ezinkundleni zokuxhumana, kubonakala imoto ethwala imali ilele ngohlangothi, inqwaba yabantu izitapela imali kuyona.
Okhulumela amaphoyisa KwaZulu-Natal, uCaptain Ntathu Ndlovu, uthe ngenhlanhla akulimalanga muntu kulesi sigameko, waqinisekisa ukuthi amaphoyisa amatasa aphenya kabanzi ngalesi sigameko ukuze kusheshe kutholakale izigebengu.