Abaphase ngamalengiso #Matric2025
Abafundi abangu-40 abaphase ngamalengiso babe nesidlo esikhethekile sasekuseni nongqongqoshe wemfundo eyisisekelo namhlanje eRandburg
Image: DBE
Abafundi baseNingizimu Afrika abaphumelele u-matric ngo-2025 banqobe izinselele zabo ukuze bathole indawo phakathi kwabaphumelele kakhulu esizweni.
UNgqongqoshe wezeMfundo eyisiSekelo, uSiviwe Gwarube, ukhulume esidlweni sasekuseni sikangqongqoshe nabafundi abaphumelele u-matric abangu-40 ngaphambi kokukhishwa ngokusemthethweni kwemiphumela ngoMsombuluko kusihlwa.
Omunye wabafundi abaphumelele ekilasini lika-2025, uNgazibini Ntungwa wase-Eastern Cape, utshele i-IOL ukuthi ubengalindele ukuthi aqokwe phakathi kwabafundi abangu-40 abahamba phambili kuzwelonke.
Nokho, uthe ukulahlekelwa uyise esemncane nokukhulela ekhaya elinomzali oyedwa kwamkhuthaza ukuba asebenzise imfundo ukuze aguqule isimo somndeni wakhe.
Ufunde eSikhoba Nombewu Technical Senior Secondary School.
"Ngangingalindele ukuthi ngizofakwa ohlwini lwabangu-40 ngoba ngibe nobunzima ngesikhathi ngibhala izivivinyo zami. Ngangigula ngaleso sikhathi, ngakho ngishaqekile... ngiyabonga ngokuthi ngikwazile ukulwa nakho futhi ngisebenze kanzima ukuze ngibe lapha," kusho yena.
Omunye ophumelele, uThabo Mathake, 18, ophuma emakhaya aseBurgersfort, eLimpopo, ubefunda eLeolo Technical High School, uthe uyazethemba ngomsebenzi wakhe.
"Ngijabule ngokudla isidlo sasekuseni nongqongqoshe ngoba ngiyazi ukuthi ngenze kahle. Ngisebenze kanzima unyaka wonke," esho.
U-Angie Ntuli, odabuka eMpumalanga ungomunye weziqengqe ezimenywe kwandonga ziyaduma ukuhlanganyela nongqongqoshe wemfundo eyisisekelo.
Image: Simon Majadibodu/IOL
UNgazibini Ntungwa, wase-Eastern Cape unqobe ukugula endizela phezulu #matric2025
Image: Simon Majadibodu/IOL