Abefundisi abanohlonze emkhulekweni kazwelonke eThekwini

UKWANDA kwezigameko ezihlasimulisa umzimba kuleli kwenze iJesus On The Move yahlela umkhuleko kazwelonke eCFCI Dome ku-724 Umbilo Road eThekwini namuhla kusukela ngo-10 ekuseni.

Omunye wabagqugquzeli balo mthandazo, uPhindile "Phindi P" Phewa, uthe inhloso ngqangi wukukhulekela zonke izinto eziyisihlava ezikhungethe abantu bakuleli. Kuzona kubalwa izinhlekelele zezingozi zemigwaqo esezithathe imiphefumulo eminingi, ukushushumbiswa kwezingane zamantombazane ziyophendulwa izigqila emazweni angaphandle, wukuzibulala kwabantu abasha nokunye.

Uthe kubefundisi abazobe besina bededelana kukhona uPastor BM Buthelezi, Pastor Thabile Nkosana, uMbishobhi SB Zikhali, uMphostoli Nyandeni, uMphrofethi Z Mazwi, uPastor Ntando Mkhize, Shaun Lighman noMbhishophi Zamani Nxele,  ozobe ephethe uhlelo.

Eqhubeka uthe uThobekile noNdumiso Mzobe ngabaculi abaziwayo abazozimazisa le nkonzo.