Sidedelwe ngebheyili isikhulu se-merseta ngecala lenkohlakalo

U-Archie Mdaka (34) onguMphathi Wesifunda seManufacturing, Engineering and Related Services Sector Education and Training Authority (i-MERSETA), uvele eNkantolo yeMantshi yaseNkomazi, eMalelane, ngamacala enkohlakalo abekwe wona. 

UMdaka ubhekelela ukuxhasa ukuthuthukiswa kwamakhono nokuqeqeshwa ezingxenyeni ezithile zemboni. Isikhungo asihlinzeki ngokuqeqesha kodwa siqhuba izinhlelo ngokuthi sinikezele ngoxhaso, sibhalise abahlinzeki, siphinde siqinisekise izinga lokuqeqeshwa ukuze kulungiswe izidingo zemboni.

Lo mphathi wesifunda wasebenzisa isikhundla sakhe ukufuna inzuzo kubahlinzeki bezinsiza. Wabanjwa nesizumbulu sikaR40 000 semali eyayikhokwe ngomunye wabahlinzeki bezinsiza eMalelane. Ngokolwazi olutholakele, umsolwa ubethatha phakathi kuka-20 no-30% enzuzweni eyenziwa ngabahlinzeki bezinsiza aphinde abasabise ngokubambezela ngenhloso izinkokhelo, okuzokwenza kubenzima ukusebenza kwesikhungo sokuqeqesha uma nje benqaba ukukhokha lelo phesenti alifunayo. Udaba lwabikwa kwabeHawks based Serious Corruption Investigation ukuze benze uphenyo olubanzi.

NgoMgqibelo, ithimba elibhekelele ukuphenya ngenkohlakalo enzima (Serious Corruption Investigation) kanye nesikhungo esigcina amarekhondi obugebengu (Local Criminal Record Center) lisebenzise ulwazi olutholakele, umsolwa wavinjwa ngemuva kokuthi athole inkokhelo kaR40 000 kumhlinzeki wezinsiza.

Ngesikhathi evele enkantolok, unikezwe ibheyili kaR5.000. Wayalelwa ukuba anikeze umphenyi iphasiphothi yakhe, bese evela esiteshini samaphoyisa saseMiddelburg, kanye ngesonto phakathi kuka 06:00 no-18:00. Waphinde waxwayiswa ngokuthi angamphazamisi ufakazi.

Usuku lwakhe lokuvela enkantolo luhlehliselwe umhlaka 03 Novemba 2025.