Kuphazamiseke ukufunda ngesiteleka sabamatekisi
Kuthe cwaka eThekwini njengoba abamatekisi bebambe umthetho
Image: DOCTOR NGCOBO/Independent Newspapers
Kumile ukufunda ezikoleni eziningi eThekwini ngenxa yombhikisho wabamatekisi ohlelwe iSantaco. Le nhlangano ikhiphe umyalelo ngoLwesithathu ukuba amatekisi aseThekwini namaphethelo ame ukusebenza kusukela ngoLwesine.
Lokhu kudale ukuphazamiseka kwabasebenzi nabafundi abasebenzisa izithuthi zomphakathi ukufinyelela ezikoleni.
Isikhungo semfundo ephakeme iDUT, eThekwini sithumele umlayezo kwizitshudeni ngokungabibikho kwezithuthi ezisebenza ukukulanda abafundi ezindaweni abahlala kuzo zibahambise emakhempasi ahlukene.
Lesi sikhungo sibalule ukuphepha kwabashayeli nazo izitshudeni njengesizathu esihamba phambili sokumisa lolu hlelo.
Umlayezo othunyelwe abaseDUT kwizitshudeni ezihlala ema-res
Image: sithunyelwe