Kumile ukuthungathwa komshayeli wendiza ewele olwandle

Amaphoyisa KwaZulu-Natal aqinisekise ukuthi sekumisiwe ukuthungathwa komshayeli  wendiza l encane ephahlazeke olwandle eSuncoast Beach, eThekwini ngoLwesine ntambama.

Ngokwesitatimende samaphoyisa umsebenzi uzoqhubeka ngoLwesihlanu ekuseni.

Umshayeli wendiza ubeyingxenye yombukiso wezindiza futhi ubesemoyeni ekhombisa amakhono akhe ngesikhathi indiza iphahlazeka. Ithimba lamaphoyisa ophiko lwabatshuzi, elisebenzisana nozakwabo abazimele bathole indiza enophephela emhlani okuyiyona ewele olwandle ukuthungathwa komshayeli kusaqhubeka.