Izithombe zemicimbi Julayi 15
BEKUKUHLE kudelile Amadlelandawonye Federation, inhlangano ewumfela ndawonye wabezithuthuthu, bekhombisa umoya wobuntu beyonikela ngokudla nangezinye izinto ekhaya labadala, iKwaMashu Christian Care Centre
Image: Sithunyelwe
KUBA mnandi uma kuhlangene imindeni, izihlobo nabangani kudliwa izibiliboco, kugeleza neziphuzo. Sikuphathele imicimbi ehlukene exoxwa ngezithombe. Uma ufisa ukuthi izithombe zomcimbi wakho zishicilelwe kuleli khasi, zithumele nge-email ethi: [email protected]. Bhala kafushane ukuthi bekuwumcimbi kabani? Umayelana nani? Ukuphi? Uma esithombeni kukhona abayisihlanu kuya phansi, sicela nibhale amagama nezibongo zomuntu ngamunye. Izithombe zemicimbi sezishicilelwa njalo ngoLwesibili.
INJABULO uJosephine Ntshangase waKwaMashu, ebungaza iminyaka ewu-100 edla anhlamvana, umbungazo wakhe obuseqophelweni eliphezulu njengoba ubuhanjelwe yizingane, abazulu, izizukulwane nomakhelwane
Image: Sithunyelwe
BEBEHLOBE kahle kanje oDumsile Gwala (kwesobunxele) noZanele Gwala (kwesokudla) eNtambanana, benzelwe umhlonyana
Image: Sithunyelwe
ABEHLOBE emahle kanje amatshitshi aseMangamazini, ngaseFolweni, emcimbini kaSiphokuhle Andile Nkosi (ophethe iqhabanga)
Image: Sithunyelwe
UBESWENKE econsa uSnethemba Mngadi waseMngcweni, eCato Ridge, ehambele umemulo womngani wakhe uBandile Ngubane waseNorthdale, eMgungundlovu
Image: Sithunyelwe
KUFIKE izinyembezi zenjabulo kuNkosikazi Ngcobo egubha iminyaka engu-60 azalwa. Wenzelwe umcimbi yindodakazi yakhe, uNonhlanhla Ngcobo KwaBhubhubhu, eMzinyathi
Image: Sithunyelwe