Usheshe wazikhulula engakatshelwa ungqongqoshe 'odelelayo'
UDkt Nomusa Dube-Ncube usethathe esephini likangqongqoshe weMfundo ePhakeme nokuQeqesha
Image: X/UKZN
Uphuthume wafakwa incwadi yokubonga umsebenzi ungqongqoshe weMfundo ePhakeme uDkt Nobuhle Nkabane, obesekuphele izinyanga esematheni ngokungaziphathi kahle.
Lo ngqongqoshe ufake le ncwadi-nje besekuzwakele ukuthi uzulelwa amanqe ngenxa yotalatiya olungapheli.
Usheshe wazikhulula engakatshelwa ungqongqoshe 'odelelayo' uDkt Nobuhle Nkabane
Image: X
Incwadi kaDkt Nobuhle Nkabane
Image: X
Umnyombo wesivunguvungu sakhe kwakuwukuqoka kwakhe indodana kaGwede Mantashe uBuyambo Mantashe ebhodini le-SETA abangu-21 ngoMeyi 2025. Lokhu kwenza kwakhe kwathola ukugxekwa okukhulu ngokubonakala kwakhe etheza kwi-ANC.
Umengameli Cyril Ramaphosa usemkhiphile esikhundleni wasebenzisa iSigaba 91 (2) ukuqoka uMnuz Buti Kgwaridi Manamela, esikhundleni sikaNkabane sokuba ugqongqoshe weMfundo ePhakeme nokuQeqesha.
"UMnuz Manamela ubelokhu eqokwa njengePhini likaNgqongqoshe weMfundo ePhakeme nokuQeqesha, indima ayibambe kusukela kuhulumeni wesikhombisa. Ngakho-ke, ngokweSigaba 93 (b) uMongameli Ramaphosa useqoke uDkt Nomusa Dube-Ncube, iPhini likaNgqongqoshe weMfundo ePhakeme nokuQeqesha. Isipiliyoni sikaDkt Dube sokuhola uhulumeni isikhathi eside sihlanganisa ukusebenza njengomphathiswa emnyangweni wokuBusa ngokuBambisana neziNdaba zoMdabu nasesikhundeni sikaNdunankulu wesifundazwe saKwaZulu-Natal."