Naphezu kokuthi iNissan iyakuhoxisa ukukhiqizwa kweveni iNP200 ekupheleni kwenyanga, ucwaningo luveza ukuthi iyintandokazi ezinkampanini ezithutha impahla iya kubanikazi.
Isikhulu seFastway Couriers, uDamian Velayadum, sithe siyazi ukuthi izimoto ezithutha impahla kumele zithembeke ukuthi zingakwazi ukuhamba emadoloobhen nasemakhaya.
Ucwaningo lweFastway luveze ukuthi intandokazi yezimoto ngezaphakathi kuka-2015 no-2017. Zihlanganisa iNissan NP200 neNP300, Toyota Hilux, Isuzu KB250 neHyundai H-100.
IFastway kuthiwa yenza u-19.5% wezimoto zakwaFastway zokuthutha impahla.
"INP200 yango-2017 ibiza kahle njengoba eyisekeni uyithola ngemali elinganiselwa kuR100 000. Ukonga kuphethroli kungenye yezinto ezenza ihehe. Ngokocwaningo, angu-15.5% asebenzisa udizili kuthi angu-84.5% asebenzise uphethroli."
INP300, Toyota Hilux, Isuzu KB205 neHyundai H-100 zona zithandelwa ukuthi zihamba nasemigwaqeni emibi futhi ucwaningo luveza ukuthi zikwazi nokuthwala impahla enkulu futhi esindayo.