Le SUV encane ingu-4 315mm ubude, ububanzi bungu-1 800mm kanti ukuphakama kungu-1 620mm.
Izobanga abathengi namaSUV amancane okubawa kuwo iSuzuki Vitara, Hyundai Creta, Ford EcoSport, Volkswagen T-Cross namanye.
Ngaphambili ine-tiger nose grille. Zonke izinhlobo zinamaLED Daytime Running Lights ngaphambili kanjalo nama-fog lamps. Kwezinye izinhlobo ama-fog lamps, ama-headlights nama-indicator angamaLED. Ezinye izinhlobo zihlotshiswe nge-chrome.
Amakhasimende angakhetha imibala eyisikhomisa okukhona kuyo uGlacier White Pearl, Steel Silver, Gravity Grey, Aurora Black Pearl, Intelligency Blue, Intense Red noPunchy Orange. Kukhona nenemibala emibili eba nokhakhayi olumnyama okanye olumhlophe.
Ngaphakathi i-EX ifika ne air-conditioning, automatic headlight control, izibuko ezihlelwa ngogesi emaceleni, amabhathini esiteringi, amawindi kagesi, cruise control, ne8-inch colour touchscreen infotainment. IneBluetooth futhi ixhuma neselula nge-Apple CarPlay ne-Android Auto. Kunezimbobo zokushaja nge-USB ngaphambili nangemuva. Inamarimu angu-16 inch.
Ngaphansi kwebhonethi inenjini engu-1.6 litre kaphethroli enamandla angu-90 kW netorque engu-151 Nm. Itholakala ngo-gearbox oyi-6 speed manual okanye oyi 6-speed automatic.
Ephakathi nendawo yi-EX+. Nayo inenjini efanayo kodwa yona itholakala ngo-gearbox oyi-6 speed automatic kuphela.
Ifika nakho konke okukwi-EX kodwa ngaphakathi inesikhumba, izibuko ezihlelwa ngogesi ziyakwazi ukuzigoqa, kukhona indawo yokuphumuza ingalo ngaphambili bese iba namarimu angu-17 inch.
Eyokugcina ekhona yiGT Line. Ine-chrome nomhlobiso obomvu, amarimu ahlukile angu-17 inch avela ama-brake callipers abomvu, amalambu eLED, isiteringi esimise okukaD nama-stainless steel pedals.
Ifika futhi neDrive Mode Select okuyilapho uyisetha khona ukuthi ufuna ihambe kanjani ngokuyifaka kuNormal, Eco noma uSport.
Kwi-2WD Terrain Mode kukhona uSnow, Mud noSand.
Yona ifika nenjini entsha engu-1.4 litre T-GDI enamandla angu-103kW ne-torque engu-242Nm, Ino-gearbox omusha oyi-7 speed dual clutch transmission.
Ngakwezokuphepha iSeltos ifika nama-airbag ayisithupha, ABS brakes ne-Electronic Brake Force Distribution, ama-sensor asiza uma upaka nekhamera.
I-EX+ neGT-Line zifika futhi ne-Electronic Stability Control neHill-start Assist Control.
Amanani
KIA Seltos 1.6 EX Manual R 353,995
KIA Seltos 1.6 EX Automatic R 371,995
KIA Seltos 1.6 EX+ Automatic R 389,995
KIA Seltos 1.4 T-GDi GT-Line R 444,995
Ifika ne-service plan yeminyaka emihlanu noma * -90 000km ne-warranty yeminyaka emihlanu ehlanganisa ne-roadside assistance.