I-BMW X3 ithathe isicoco sokuba yi-2025 South African Car of the Year emncintiswaneni weSouth African Guild of Mobility Journalists obugubha iminyaka engu-39 ukhona.
Endaweni yesibili kuqokwe iSuzuki Swift kwathi kweyesithathu kwaba yiBMW M5.
Kwenzeke okufanayo nangonyaka odlule lapho kwakunamaBMW amabili neSuzuki kwezintathu eziphambili.
Kwanqoba iBMW 7 Series, iSuzuki Fronx yaba sendaweni yesibili kwathi iBMW M2 yaba kweyesithathu.
Umcimbi wokumenyezelwa kwezinqobile ubuseThe Galleria, eSandton ngoLwesibili ebusuku. Bezingu-17 izimoto ebezikowamanqamu.
IX-3, eyakhiwa efemini yakwaBMW eRosslyn ePitoli, ithole amavoti amaningi ngenxa yokuba sezingeni eliphezulu kwayo, yindlela eyakhiwe ngayo, ubuchwepheshe nokubiza kahle uma iqhathaniswa nezimbangi ezisesigabeni sayo.
Ngaphambi kokuthola umklomelo omkhulu wokuba yimoto yonyaka, inqobe eminxeni wePremium.
Kweminye iminxa kuhambe kanje:
Budget: Suzuki Swift
Family: VW Tiguan
Premium: BMW X3
Executive: BMW 5 Series
Adventure Utility: Toyota Land Cruiser Prado
Performance: BMW M5
Motor Enthusiast People’s Choice Award: Mahindra 3XO
PR of the Year: Eileen Gengan (Suzuki Auto SA)
Fleet manager of the Year: Jomu Promotions