MHLELI: Ngicela ukusika elijikayo ngoMthokozisi Khathi odume ngelikaDJ Tira. Ngithuswe yinto engiyibone ngempelasonto uKhathi evela ephepheni ethi uselaxaze iKaizer Chiefs, usengumlandeli wokuqina waMaZulu FC.
Umbuzo wami uthi ngabe ushiya iChiefs ngoba nakhu izinto zingayihambeli kahle? Uma uTira ubengumlandeli wangempela waMakhosi ubezoyithanda ebuhleni nasebubini.
Uma AmaZulu angase angawini lutho kule sizini nangezayo bese iKaizer Chiefs iwina izinkomishi ngaphansi kobuholi bukaGavin Hunt esethenge abadlali, ngabe uzolushiya yini Usuthu?
AmaZulu asengcupheni yokulahlekelwa uBenni, azophinde adonse kanzima. Asenza kahle ngoba eqeqeshwa nguyena.
Sbu Mhlanga
EMTUBA