Ezokuvakasha Izithombe

Izithombe zemicimbi

Zimbili Vilakazi|Published

UTHISHANHLOKO waseVelabahleke High eMlaza uMnuz Bheki Mhlongo eme nabanye abafundi abaphase ngamalengiso ku-matric emcimbini obuseNkosi Albert International Convention Centre eThekwini

BEKUKUHLE kudelile esikoleni iNgwenya Msomi Primary e-Adams Mission uthishanhloko uNkk Mgaga noNkk Msomi oyinhloko yezifundo begubha usuku lwabo lokuzalwa

BEBEHLOBE ngemvunulo emkhehlweni kaNksz Hlengiwe Mathebula, ekhehlwa uMnuz Sandile Shezi eCharlestown

ULONDIWE Khumalo noSthabile Mbhele bakubafundi abaxhaswe ngemali yokubhalisa ezikhungweni zemfundo ephakeme emcimbini obuseBlue Marlin Hotel, eScottburg
BACIJISWE ngempilo okumele bayilindele abafundi besikole iNani High KwaQwabe eSayidi abafunda uGrade 12 njengoba kuwunyaka wabo wokugcina lo bekulesi sigaba semfundo bevakashelwe yiRISE UP KASI CHILD, usonhlalakahle kanye nabakwasiDlodlo
BEKUSINDWE ngobethole uMnuz Zibuse noNkk Nqobile Mkhize bebopha ifindo likasofa silahlane e-Ashdown eMgungundlovu Izithombe: ZITHUNYELWE
BEKUYINTOKOZO yodwa uMakhosi Zama Cele (ophakathi nendawo) ephothula umndiki wakhe, uphahlwe wuninakhulu wasedlozini, uNelly Msimango nogobela uSithabile Shezi weshoba. Umcimbi ubuseFolweni Isithombe: SIBONELO NGCOBO
BEKUVELA elomhlathi iMeya yaseMkhambathini, uMnuz Nhlakanipho Ntombela ihalalisela abafundi abagile izimanga ka-matric kulo masipala nyakenye Isithombe: SITHUNYELWE
ABAFUNDI abagile izimanga kwa-matric kuMasipala waseMkhambathini baklonyeliswe ngezitifiketi emcimbini obuseqophelweni eliphezulu muva nje Isithombe: SITHUNYELWE