SEZIQALILE izinhlelo zokulungiselela isizini yesibili yomdlalo iThe Herd ebikhonjiswa kuMzansi Magic yaphela ngo-Okthoba.
Ngokuthola kwaleli phephandaba, ukuthakaselwa komdlalo kwenze ababhali bawo baqala amalungiselelo esizini entsha.
Lo mdlalo udidiyelwa yiSeriti Films kaKutlwano Ditsele phambilini oweyesebenza kwiBomb Productions ekhiqiza Isibaya neminye imidlalo.
UKutlwano utshele leli phephandaba ukuthi bafihle induku emqubeni ngokuzokwenzeka ngesizini entsha.
“Ngeke ngikwazi ukusho okwamanje,” kusho yena.
“Sisabhala ukuthi umdlalo uzohamba kanjani, asikakabheki nokuthi yibaphi abalingisi esizobalanda,” kuchaza yena.
Uthe bazoqala ukuqopha ngonyaka ozayo.
IThe Herd ifike igabe ngabalingisi okubalwa kubo uWinnie “MaMngadi” Ntshaba owazakhela udumo enguKhethiwe kwiGenerations “endala”, Sello Maake Ka-Ncube odlala indawo
kaBhekisizwe Mthethwa, Sihle Ndaba onguKayise, Zethu Dlomo odlala indawo kaLwandle, Tiisetso Thoka onguDingane noPeter Mashigo odlala indawo kaMagubane nabanye abaningi.
Ukubuya kwalo mdlalo ngeke kuthuse njengoba ikhona eminye ebuyayo kulesi siteshi njengeBeing Bonang S2 ezokhonjiswa kade idlala ku-1Magic, iKhaya
elizoqala ngoJanuwari 7 neminye.