UKHISHWE ngebheyili kaR2 000 uphrojusa womculo ovelele eNingizimu Afrika, uChicco Twala.
UTwala uvele eNkantolo yeMantshi yaseRandburg, eGauteng, ngoLwesibili, ngecala lokushaya nokukhomba ngesibhamu.
Ngokusho kukaPhindi Mjondwane okhulumela uphiko lwezokushushisa eGauteng, icala likaTwala lihlehliselwe u-Agasti 26, 2022, ukuze kuqhutshekwe nophenyo.
“Abasebenzi beCity Power bebebizelwe eBloubosrand, eGoli, ngenkinga kagesi. Abasebenzi bacime ugesi ukuze basebenze nokuyinto okuthiwa icasule uTwala,” kusho yena.