SELUKHISHIWE uhlelo lwendumezulu yomcimbi iCoachella. Lo mcimbi owenziwa minyaka yonke eCalifornia, e-United States of America (USA) uvame ukuheha izigidi zabantu ezisuka emazweni ahlukahlukene nokwenza kugqame abaculi noDJ abasuke besohlelweni.
Nathi siyiNingizimu Afrika sibaliwe kulo mcimbi njengoba sizomelwa woDJ abathandwa kakhulu kuleli. AbeHeineken bakhiphe uhlu loDJ babo abazobe benandisa kulo mcimbi.
Kuvungame izinkundla zokuxhumana kuvela amawele eMajor League Djz noDurban Gogo kulolu hlu.
IMajor League DJz iqinisekise lezi zindaba ngokuveza ukuthi izobe bedlala eziteji ezimbili izimpelasonto ezimbili ngo-Ephrili.
Nentokazi yaseThekwini, uDBN Gogo, ogama lakhe langempela uMandisa Radebe, akawuvalanga umlomo yinjabulo. Ubhale kwiTwitter ukuthi uzobe eshaya a-mapiano kwiCoachella.