Umculi uchitha eyokuba yilungu leMK

Umzwilili uLira uchitha imibiko yokuba yilungu leqembu, Umkhonto Wesizwe (MK), futhi uthi usabheka izinyathelo zomthetho angazithatha.

ULira ukusho lokhu ngemuva kokuthi kufakwe i-video yowesifazane obukeka njengaye ethi uzovotela Umkhonto Wesizwe. Ngasekupheleni kwe-video kubhalwa igama likaLondiwe Ngcamu okungaziwa noma ngelakhe yini lona wesifazane.

Lira is officially an MKP member in good standing ✊🏿 pic.twitter.com/VVuUdIQgXu

— Mama Winnie𓉑 (@Mokwala_Dimpho) March 24, 2024

U-@Mokwala_Dimpho ufake le video ku-X wathi uLira uyilungu leqembu.

Abanye bebebuza ukuthi uLira wakuphi ofakiwe.

Lo mculi ufake isithombe salo mbhalo emakhasini akhe ezinkundla zokuxhumana ngoLwesithathu lapho eqinisekise khona ukuthi akukho okumhlanganisa neMK.

I wish to confirm that I have no affiliation with MK Party. I have not endorsed them or become an MKP member. Any information to the contrary is fake news and I am exploring my legal options about the unlawful use of my image and name. pic.twitter.com/LJAKX2IEf8

— First African Barbie Role Model🌺 (@Miss_LIRA) March 27, 2024

Uthe uyazihlangula kuyo futhi akalona ilungu layo.

"Ingamampunge imiyalezo esho njalo futhi ngibheka izinyathelo zomthetho engingazithatha mayelana nokusetshenziswa kwesithombe negama lami ngokungemthetho," kubhala uLira.

ULira ulungiselela ukucula bukhoma okokuqala ekhonsathini ngemuva kokushaywa yisifo sohlangothi esaphazamisa ukukhuluma kwakhe eminyakeni emibili eyedlule.

Uzocula KwiVassline Fest eConstitution Hill ngoMeyi 25.