FILIMU: Pitch Perfect 3 UMDIDIYELI: Trish Sie
ABALINGISI ABAQAVILE:
Anna Kendrick, Rebel
Wilson, Hailee Steinfeld,
Brittany Snow, Skylar
Astin, Adam DeVine, Katey
Sagal, Anna Camp, Ben
Platt, Alexis Knapp, Hana
Mae Lee, John Hodgman,
Jason Jones, Joe Lo Truglio,
Reggie Watts with John
Michael Higgins and
Elizabeth Banks.
IMINYAKA: PG-13,
IDONSA: 1h 33min
Ivula ema-cinema
aseMzansi ngoDisemba 22
UMHLAZIYI:
MALIBONGWE MDLETSHE
YONKE into inesiqalo
sayo. Lokhu ngikusho
ngenxa yokuthi bengiqala
ngqa ngePitch Perfect
3 ukuyobuka isiqephu
sesithathu sebhayisikobho
sefilimu ngibe ngingakaze
ngizibone ezokuqala.
Omunye angaba
wukufunda isigaba
esingenhla avele awachithe
amanzi, athi ‘ayikho into
azositshela yona ngale
filimu lo muntu uma
engayazi ukuthi isukaphi’.
Cha ngiyaphika. Nazi
izizathu zami, womathathu
amafilimu adidiyelwe
ngabantu abahlukene,
nokusho ukuthi isandla
asifani yize udaba lulokhu
luqhubekele phambili.
Eyokuqala iphume
ngo-2011 ididiyelwe
ngumdidiyeli wesilisa,
uJason Moore kanti
eyesibili ngowesifazane,
u-Elizabeth Banks kanjalo
neyesithathu. Ngakho
ngisho ungakaze uwabuke,
ngeke uze ubonakale uma
ufika ebhayisikobho futhi
nawe ngeke uze unake.
Nakuba kungeyona ifilimu
ekhuluma ngezothando,
phecelezi i-chick-flick,
futhi ingeyona i-blockbuster
engabukwa amajita
ewumgengana kodwa ikahle
uma ufuna ukuzikhiphela
isinqandamathe sakho.
Osisi bangakwazi
ukukhiphana bodwa
beyoyibuka kwazise
ikhuluma ngezintokazi
eziyisikhombisa ezicula
ndawonye eqenjini
eladuma lisafunda
ekolishi, amaBellas.
Ngemuva kokunqoba
amaWorld Championships,
amaBellas, ahlukana
ngezindlela ngethemba
lokuthi azoqhubeka acule
ngawodwana. Kodwa kule
filimu kuyacaca ukuthi
akuhambanga ngokwezifiso
zawo.
Bayahlangana
kulokhu kodwa kubacacele
ukuthi isikhathi sokuba
yiThe Soli sesiphelile.
Ngicabanga ukuthi
ulethelwe lokho noDJ
Khaled kule filimu
(akakwazi kodwa
ukulingisa, sengiyasho
nje).
Ngenxa yokuthi
sebebadala sekuyisikhathi
sokuthi benze nezinqumo
ezimqoka ngempilo yabo.
Ibisengabuya eyesithathu
kodwa uma sekuthiwa ‘Last
call pitches’ kungenzeka
ungabe usaphinde uyibone
uma uyiyeke la.