UPHAT Joe uphenywa iSABC ngenkulumo ecwasayo. Isithombe: IOL
I-SABC isiqale uphenyo ngenkulumo kaPhat Joe ebinokucwasa abobulili obufanayo ayisho ngoLwesithathu ohlelweni lwakhe lasekuseni iPhat Joe and the Family emsakazweni iRadio 2000.

Okhulumela iSABC uNksz Vuyo Mthembu ukuqinisekisile ukuthi iSABC iyalwazi loludaba kanti isiqale uphenyo.

UJoe ubengekho namhlanje ekuseni emsakazweni kanti lokhu sekushiye imibuzo eminingi kubalandeli bakhe mayelana nekusasa lakhe kulomsakazo.



Izikhalo ngoPhat Joe zisuswe yinkulumo yakhe echaza indlela azizwa ngayo ngalabo abathandana nobulili obufanayo.

" Angiqondi ukuthi kungani bona (izitabane) behluleka ukwamukela ukuthi kunzima kubantu abaningi ukwamukela indlela abaphila ngayo."

Ubekusho lokhu phakathi kokutshela abalaleli indlela "ekumunyanyisa" ngayo "ukufunwa umuntu oyisitabane". 

Le nkulumo ayehlanga kahle kubalaleli baloluhlelo nokuze kwaholela ekutheni bazwakalise ukungenami kwabo enkundleni yokuxhumna uTwitter.