Umndeni uqinisekise eyokudlula emhlabeni kukaDon Mlangeni Nawa
ALOKHU engene njalo amazwi enduduzo kulandela ukuvela kwezindaba zokudlula emhlabeni kukaDon Mlangeni owagqama kakhulu emidlalweni efana neHlala Kwabafileyo, Isidingo neminenye.
Image: X
UMNDENI uqinisekise ukudlula emhlabeni kwenkakha yomlingisi uDon Mlangeni Nawa, odume ngendawo kaMhlongo kuHlala kwabafileyo, uZeb Matabane kwiSidingo noLaqhasha kuSgudi 'Snaysi.
Ngokwesitatimende somndeni lo qolothakamango udlule emhlabeni eneminyaka engu-65 namhlanje mhla ka16 Ephreli.
UDon Mlangeni wathandwa kakhulu ngendawo yakhe kaLaqhasha, umashonisa owayehlezi efuna imali yakhe kuSdumo kuSgidi Snays.
Image: x
"Ubeyinhliziyo yomndeni, ubaba onothando, ubhuti nomngani. Emhlabeni, ubengumlingisi onesiphiwo nohlonishwayo, obeqhakaza njalo uma eseshashalazini. Umlando wakhe uyaphila empilweni yabantu ake axhumana nabo, ngemidlalo ayidlalile nothando aluvezile."
Isitatimende somndeni ngokudlula emhlabeni kukaDon Mlangeni Nawa.
Image: X