UMLINGISI ohlonishwayo kuleli obuye abe ngumethuli wezinhlelo uPalesa Madisakwane useluleke intsha yakuleli ukuthi idlalele kude nomgosi wasemsebenzini uma isazimisele ngokuba nekusasa kulowo msebenzi. UPalesa obebhala ekhasini lakhe lezokuxhumana ku-Instagram, udonse ngendlebe intsha, ikakhulukazi efuna ukungena embonini yethelevishini nemisakazo ukuthi ingazihlanganisa nomgosi wasemsebenzini.
"Yindawo egcwele abantu abancintisanayo, akuyona indawo yabantu abasheshayo ukuzwela. Okuzokuyisa kude kodwa ukuzithoba nokuba ngumuntu othandayo ukufunda kwabanye. Nibaqaphele abantu enisebenza nabo, qaphela ukuthi ulalela bani futhi wenze konke ukuqinisekisa ukuthi udlalela kude nomgosi wasemsebenzini. Umgosi wasemsbenzini ungaliqeda ikusasa lakho kulowo msebenzi, kuphinde kumosheke negama lakho," kusho uPalesa.
Uqhube waveza ukuthi imboni akuyo igcwele abantu abanomona.
"Yimboni encane le futhi izindaba ziyagijima zidlula isikebhe esinesivinini esiphezulu, ngakho noma yikuphi la osebenza khona uzokwahlulelwa ngesimilo sakho nangendlela oziphatha ngayo, ngiyaneluleka njengomama futhi njengodadewenu...dlalelani kude nomgosi wasemsebenzini," usho kanje.
View this post on Instagram
I’d like to give an advise to especially young people who are joining the work/employment force especially the entertainment industry and the media industry. It is a very competitive and contested space and not for the faint hearted. But what will take you far is being humble and having a teachable spirit. Be careful the people you keep in the office space be careful who you listen to and do your all to keep away from office gossip. Office gossip will destroy your career your character and will destruct you from what you still want to achieve in life and in your career. It is an industry full of jealousy and suckers, It’s a very small industry and word travels faster than speed boat, so anywhere you want to work at you will be judged by your character and behavior first and reference . this is a motherly and sisterly advice... stay away from office gossip 😍😍😍
A post shared by Palesa (@palesa.mocumi) on
Njengoba uJuni kuyinyanga yentsha kuleli osaziwayo nabanye abaholi emphakathini bathumela imiyalezo eyakhayo emakhasini abo ezokuxhumana.