UMSAKAZI wezemidlalo kwiMetro FM, u-Owen Hannie, usinde ngokulambisa edunwa imoto enomndeni wakhe eBryanston ngoLwesibili. U-Owen ubhale ngokusinda kwakhe kuTwitter izolo.
Echaza lo msakazi uthe lesi sigameko simehlele ekhoneni lo mgwaqo uWilliam Nicole noMain Road, eBryanston ngezithuba zabo-7.45 ebusuku.
"Indodakazi yami nonkosikazi nabo bebesemotweni ngesikhathi abalisa ababili bahlasele emotweni yethu nesibhamu. Ngenhlanhla bekunephoyisa nezinye izimoto ezimbalwa ngemuva kwethu," kusho u-Owen owethula ingosi yezemidlalo ohlelweni lwasekuseni phakathi nezinsuku olwenziwa ngokuhlanganyelwa wuMo Flava, Pearl Shongwe noMoshe Ndiki iMorning Flava.
Uthe iphoyisa libonile ukuthi labalisa bazama ukuduna imoto ka-Owen, lakhipha isibhamu ladubula kabili ezigebengwini.
"Ngebhadi iphoyisa lishayise imoto yalo elolini ezimpambanweni zomgwaqo ngesikhathi lizama ukusiza. Ngenxa yokuthi besisathuke kakhulu sitatazele sahamba endaweni yesigameko singasabonganga ephoyiseni," usho kanje.
Ube esecela nanoma wubani ongamxhumanisa nephoyisa ukuze azibongele kulona ngokubasindisa emlonyweni wengwenya.
1) I need your help!!! We survived an attempted highjacking this evening at the corner of William Nicole & Main, Bryanston(17:45). My daughter and wife were also in the car, when 2 guys approached our car with a gun. Fortunately there was a police officer a few cars behind us...— owen hannie (@owenhannie) June 2, 2020
2) The officer fire two shot off at the criminals. There scattered clear. Unfortunately, the cop crashed his car into a truck at the intersection while trying to assist us. But in our state of shock we hastily left the scene before we could pay our gratitude to the officer.— owen hannie (@owenhannie) June 2, 2020