UKHOZI FM luqinisekise izinguquko ezizokwenziwa ezinhlelweni zalo msakazo kusuka ekuqaleni kuka-Ephreli.
Njengokubika kweSolezwe ngeledlule, UDJ Sgqemeza noMroza Buthelezi bazoqhubeka nohlelo lwabo iVuka Afrika Breakfast Show kodwa isizoqala ngo-6. Emuva kwabo kuzolandela uDudu Khoza bese kuthi ngo-12.30 kuya ku-3 kube wuKing Sfiso noZimdollar Biyela esikhaleni sikaBheka Mchunu. USiya Mhlongo ukhishiwe emoyeni kwangena uTshatha Ngobe noSelby Mkhize ohlelweni lwantambama phakathi nesonto.
UBheka Mchunu usezokwethula uS’giya Ngengoma ngoMgqibelo nokuwuhlelo okuphume kulo uZimdollar bese kuthi iTop 20 ithathwe nguMandla Magwaza kuTshatha.
Uhlelo lukaKing Sfiso ngoMgqibelo ntambama luzothathwa nguKhetha Gwala.
NgeSonto ekuseni uPhindi P ukhishiwe kwafakwa uThokozani MaMkhize Ndlovu ngo-6 kuya ku-9.