CHARLES KHUZWAYO
ZILWELA ungena emzuliswaneni wamanqamu izintokazi ezingenele umqhudelwano wabasakazi abasafufusa woKhozi FM.
ZILWELA ungena emzuliswaneni wamanqamu izintokazi ezingenele umqhudelwano wabasakazi abasafufusa woKhozi FM.
kULELI sonto abadlana imilala emqhudelwaneni woKhozi Fm wabasakazi abasafufusa kwiWinnie Mahlangu Presenter Search nguNolwazi Kuyenzeka Nkosi waKwaNongoma, uSine Nene waseNewcastle noSisanda Maya Mabaso waseMgungundlovu.
Lezi zintokazi seziqalile ukunxenxa abalaleli ukuba bazivotele kulo mqhudelwano ovumbulule umsakazi omusha woKhozi FM, uZama Mseleku wasePort Shepstone.
Laba basakazi baseqoqweni lesibili futhi balwela ukungena emzuliswaneni wamanqamu. Umculi we-Afro pop, uBingelela Mpanza, nguye odle umhlanganiso ngesonto eledlule. Njengamanje usephakathi emzuliswaneni wamanqamu.
Uma ufuna ukuvotela uNolwazi ungathumela uWinnie A, ukuvotela uSine ungathumela uWinnie B kanti uma ufuna ukuvotela uSisanda ungathumela uWinnie C ku- 33665. Usuku lokugcina lwamavoti nguLwesine ngo-3 ntambama.