THE QUEEN
KuMzansi Magic ngo-9 ebusuku
Tumi Morake
UJERRY uthola izishaqane zemali. UDolly (Tumi Morake, osesithombeni) ukhuluma iqiniso. UGracious ugxeka uNkulunkulu nabantu bakwaKhoza ngayo yonke into. UBheki ucela uPrince ukuthi amshayise ngomoya. UHarriet uyashaqeka uma ezwa ngeqhinga likaGracious lokubhekana noDiamond. U-Adelaide wenza izinguquko endaweni yokudla. UHarriet noShaka baqhamuka neqhinga lokubamba isitha. UGracious uzisola yena ngokulahlekelwa wumuntu amthandayo. Iqhinga labantu bakwaKhoza liyabambezeleka.
ISIBAYA
KuMzansi Magic ngo-8.30 ebusuku
USUNDAY usebekele umnqamulajuqu abakwaZungu nakwaNdlovu. UMandla uzizwa enamandla njengoba enikezwe umsebenzi omkhulu wokwengamela isimo sakwaNgwenya samatekisi. Ingabe uLillian uyaphuma esandleni? USunday udalula into eshaqisayo kuMehl’ emamba. UBlade utshela uDuma izindaba ezimnandi. UMehl’emamba uveza ukuthi akasasiyena lo mfana owayelawulwa nguSunday. UBeauty uhlanjalazwa nguLillian.
MUVHANGO
KuSABC 2 ngo-9 ebusuku
UMULALO akawulandeli umyalelo kaMulimisi. UVho-Mukondeleli wenza into ebingalindelekile emotweni kaTeboho. UMoliehi ucabanga ukuthi uyazi ukuthi ubani ohlasele uSkhumbuzo. UVho-Mukondeleli ujabule uma ithuba ebelingalindelekile limvelela. Abaphansi bathumela umyalezo kuVhakwevho ngobukhosi. U-Azwindini akafuni ukuvuma induku. Kukhona olandela uSkhumbuzo noRendani. Kungani uMulalo enganeme ngemuva kokuqokwa kwakhe?
THE RIVER
Ku-1Magic ngo-8 ebusuku
ULINDIWE uthola into abengayilindele. UMalefu unomsebenzi onzima noDimpho ngemuva kokuhamba kukaTumi. ULindiwe uphoqeleka ukulandela umthetho. ULindani ubuka umuntu amthandayo ehamba. UCobra akazimisele ngokuhlambalazeka uma esethungatha umsebenzi. UTumi noZolani bathatha igxathu eliya phambili. Ekugcineni uLindiwe wenza isimemezelo esikhulu. Usuku lokuqala lukaCobra emayini aluhambi ngendlela abefisa ngayo.
SCANDAL!
Ku-e.tv ngo-7.30 ebusuku
ISIMO somndeni kaHlengiwe siyamkhathaza ngayo yonke indlela. Aya ngokuphela amahlathi okucasha ezigebengwini futhi imizamo yokuthumela isixwayiso ayihambi kahle. Indoda elutha abantu iphunyuka enkingeni futhi. UStokkies usolwa ngokuba yingede okuyizinsolo azichithayo. UHlengiwe uyahlambalazeka uma ezama ukuvikela isithunzi sakhe. Umuntu uvula isifuba kumngani wakhe. Omunye udalula izimfihlo ezinkulu kozakwabo.
RHYTHM CITY
Ku-e.tv ngo-7 ebusuku
ULERATO ugcina imfihlo futhi uhlela ukuthi uzokwenzani ngokulandelayo. UPearl noMzi bangena bayagamanxa ezindabeni zomndeni wabo. ULerato utshela uNomalanga ukuthi uyalazi iqiniso. USuffo noDavid bayalwa ngenxa yezinkomo ezebiwe futhi uMzi uthola ngeqhaza elibanjwe nguPearl kulokhu kuntshontsha. ULerato uzama ukulwela ingane yakhe. URene ucabanga ukujola futhi. UDavid uzama ukudala uxolo noDennis. ULungile uqonda uNomalanga noZolani ngezinsolo zikaLerato.
UZALO
KuSABC1 ngo-8.30 ebusuku
Nyalleng Thibedi
UZEKHETHELO (Nyalleng Thibedi, osesithombeni) usola uMxolisi ngokusebenzisa kwakhe izidakamizwa kwakhe. Ekugcineni uGC uhlangana noSelbeyonce kodwa izinto azihambi ngendlela abecabanga ngayo. Ikusasa likaMastermind lisengcupheni njengoba uGabisile eqoqa ubufakazi ngoQhabanga. UNkunzi uzimisele ngokuba nabantu ababili athandana nabo. Ingabe bazozwana? Ikusasa likaMfundisi uMdletshe lisengcupheni ngenxa kaQhabanga. UMastermind engase aboshwe. Amalungu ebhodi ayaphuma eshiye uQhabanga. UMondli ugasela emahhovisi kaQhabanga
ukuyophenya.
GENERATIONS: THE LEGACY
KuSABC 1 ngo-8 ebusuku
Musa Ngema
USPHE uyalela u-Okuhle ukuthi abuye ekhaya. UMrekza unezinsolo ngokubona uTboz eshibhini. UTau uyashaqeka ngokuzwa ukuthi uphenyo lwase-Ezweni luthole ini. UMazwi (Musa Ngema, osesithombeni) uyasula njengesikhulu esiphezulu, okwesibili. USmanga ulandela iseluleko esingekho sihle. Ekugcineni uLinda unikeza uMrekza impendulo. U-Okuhle wenza iphathi yokujabulela impilo yakhe entsha. UJack uzimisele ngokukhonya futhi.
ISIDINGO
KuSABC 3 ngo-7 ebusuku
ULINCOLN uthatha isinqumo esishiya umndeni wakhe uthukile. UClive uthola imfihlo yomkakhe. UZandre uthola into eshaqisayo ngoClive noSeline. UKgothalo uzithola esaba ekhaya lakhe. USibiya ubuza uBenjamin ngemoto yakhe ebizayo. USibiya uqhamuka neqhinga lokuziphindiselela kodwa uMakgorometsa unokungabaza.