Zimkhalele osolwa ekufeni kukaDJ Sumbody
DJ Sumbody
Image: X
SEZIMKHALELE usomabhizinisi othinteka ekubulaweni kuka-Oupa John "DJ Sombody" Sefoka. Isolezwe lithole ukuthi umsolwa ukhalelwe ngamasongo kaSigonyela eSandton namhlanje.
Lo somabhizinisi uyathinteka ekwenzeni itulo nezinkabi ekubulaweni kukanjiniyela waseVereeniging, u-Armand Swart ngo-Ephreli nyakenye.
Uqhuba umthombo uthi losomabhizinisi uboshwe ungaphandle ngebheyili. USombody wathelwa ngoyaba lwezinhlamvu eWoodmead, eGoli ngoNovemba 2022. Kwenzeka lokhu nje kusanda kuvela ukuthi isibhamu esadubula uSumbody kungenzeka ukuthi yiso esasetshenziswa kudutshulwa owayengumlingisi woMuvhango, uTebogo Thobejane.
Lokhu kuqhamuke emuva kokuba uKhomishana wamaPhoyisa aseKZN, uGeneral Nhlanhla Mkhwanazi, eveze ukuthi kunezikhulu zamaphoyisa ezithinteka ekubulaweni kwabanye osaziwayo baseGoli, okwenza abantu basola ukuthi uSumbody ngomunye wabo.
Eminyakeni eyedlule kwake kwakhonjwa ngenjumbane uRalph Stanfield emuva kwezinsolo zokuthi ubesongela abasebenzi bendawo yobumnandi kaSumbody, i-Ayepyep Lifestyle.
*Udaba oluqhubekayo.
Yasala izimbobombobo imoto kaDJ Sumbody ngemuva kokuhlaselwa ephuma ekilabhini eWoodmead
Image: X
KUBOSHWE usomabhizinisi osolwa ekubulaweni kukaDJ Sumbody
Image: SIGCINIWE