Indodana kaMjay yethula kabusha iYadi
UMJAY Zama owayengumnikazi waseYadini Lounge eMlaza
Image: Instagram
INDODANA yomnikazi waseYadini Lounge ongasekho, uJabulani "Mjay" Zama, yiyo esizobamba izintambo kule ndawo esishintshwe negama yabizwa ngeThe Union Lounge eMlaza.
UMjay ushone ngo-Agasti 2023, emuva kokubanjwa wukugula isikhathi.
Emuva kokushona kwakhe, le ndawo eyazakhela udumo ngokusingatha abaculi abadumile, ivalwe isikhathi eside ingasebenzi.
INDODANA kaMjay, uDJ Choppas
Image: Facebook
Ize yavulwa kabusha ngoDisemba nyakenye isibizwa ngeBlack Bottle, iphethwe wuSiwa Mlobeli. Kubukeka umndeni usuyibuyisile njengoba kuvela ukuthi isizophathwa yindodana.
Esitatimendeni esifakwe emakhasini aseYadini kwiFacebook nakwi-Instagram, indawo isizophathwa wu-Aphiwe "DJ Choppas" Zama.
UDJ Choppas wayejwayele ukudlala endaweni yakubo kusekhona uyise.
Indawo kuthiwa ivuliwe phakathi nesonto nangezimpelasonto njengoba kudayisa nokudla.