WAMUKELE isibhaxu wavuma ukuthi sekufanele bagxile emidlalweni yeligi umqeqeshi waMaZulu, uCavin Johnson.
AmaZulu akhishwe yi-Orlando Pirates ngo 3-1 kwi-quarterfinal yeTelkom Knockout eMoses Mabhida Stadium, eThekwini.
"Ngeke siyidlele umona iPirates. Siyifisela okuhle. Okwethu sekuwugxila emqhudelwaneni olandelayo okuyiligi," kusho uJohnson.
%%%twitter https://twitter.com/hashtag/TKO2018?src=hash&ref_src=twsrc%5Etfw">#TKO2018 @IsolezweNews @IOLSport
— Malibongwe Mdletshe (@Malbingo)
AmaZulu asalelwe yimidlalo eyisthupha yeligi ngaphambi kokusonga unyaka.
Kule midlalo kubalwa iPolokwane City, Chippa United, Bloemfontein Celtic, Highlands Park, Black Leopards neLamontville Golden Arrows.