NGEMUVA kokudliwa yinduku emidlalweni emibili yakamuva yeVodacom Super Rugby, inhloko yabaqeqeshi beCell C Sharks, uRobert du Preez, wenze izinguquko esikwatini esizosingatha iRebels eJonsson Kings Park, eThekwini ngoMgqibelo ngo-5.15 ntambama.
Ezinguqukweni zikaDu Preez, uRuben van Heerden noHyron Andrews bazobambisana kuma-lock 4 no-5.
UPepsi Buthelezi uzoqala umdlalo wakhe wokuqala kwi-flank.
U-Andre Esterhuizen ubuyela kwi-inside centre.
U-Aphelele Fassi naye ubuyile esikwatini esiqala ngemuva kokungabonakali ngenxa yokushayeka ekhanda bebhekene neDHL Stormers.
Uthatha indawo kaRhyno Smith kwi-fullback.
Ezinye izindaba ezizojabulisa umlandeli omdala weSharks, ngukubuya kukaCraig Burden odlalele oSHaka phiakathi kuka-2006 no-2013 njenge-hooker ngaphambi kokuya eFrance lapho edlalele khona iToulon, Montpellier neStade Francais.
NgoMgqibelo uzoqala ebhentshini ukuphumuza u-Akker van der Merwe.
ULuke Stringer kubhekwe adlale okokuqala kwiVodacom Super Rugby. Le flank izoqala ebhentshini.
Emidlalweni emine iSharks isinqobe kabili yehlulwe eyisibalo esifanayo.
Inqobe iSunwolves ngo 10-45 neBlues ngo 26-7. Iguqiswe yiStormers ngo 11-16 neBulls ngo 37-14.-malibongwe mdletshe
Abaqalayo
:
15. Aphelele Fassi; 14. Sbu Nkosi; 13. Lukhanyo Am; 12. Andre Esterhuizen; 11. Makazole Mapimpi; 10. Robert du Preez; 9. Louis Schreuder ©; 8. Daniel du Preez; 7. Jacques Vermeulen
6. Phepsi Buthelezi; 5. Hyron Andrews; 4. Ruben van Heerden; 3. Coenie Oosthuizen; 2. Akker van der Merwe; 1. Tendai Mtawarira
Ebhentshini
: 16. Craig Burden; 17. Juan Schoeman; 18. Thomas du Toit; 19. Gideon Koegelenberg; 20. Luke Stringer; 21. Grant Williams; 22. Marius Louw; 23. Curwin Bosch