UMQEQESHI we-Orlando Pirates, uMilutin "Micho" Sredojevic, uzifuna zonke izicoco ezisele kule sizini.
Lokhu kuvele exoxa nabezindaba ngemuva kokudlulela kuma-semi final e-2018 Telkom Knockout.
EzikaMicho zinqobe ngo 3-1 eMoses Mabhida Stadium, eThekwini.
"Yonke imidlalo esiyidlalayo kwi-Orlando Pirates sidlala sengathi ngeyokugcina," kusho uSredojevic.
"Kuyimanje abalandeli bethu baya emakhaya. Bathembile. NgoLwesibili sinePolokwane City, omunye umdlalo omkhulu neqembu elinzima."
UMicho ucule iculo elihlukile ukunabanye abaqeqeshi base-Europe ngokushaya izitayela kwabadlali bakhe ngemuva kokushaya igoli lesithathu.
"Ibhola silidlalela abalandeli, uma kufanele sishaye izitayela ukuze sibabonge ngokuseseka siqnobe ngale ndlela, sizokwenza lokho," ksuho uMicho
%%%twitter https://twitter.com/hashtag/TKO2018?src=hash&ref_src=twsrc%5Etfw">#TKO2018 @IsolezweNews @IOLSport
— Malibongwe Mdletshe (@Malbingo)