UZOSEHLISELA kubadlali abangu-23 ngoMgqibelo isikwati seBafana Bafana umqeqeshi wayo uHugo Broos, ngoLwesibili ofake amagama amasha ohlwini lwabantu-34.
Lo 34 kuzophuma kuwo i-23 ezobhekana ne-Ethiopia ekuhambeni nasekhaya ngo-Okthoba emidlalweni emibili yokuhlungela i-2022 Fifa World Cup ne-Ethiopia ekuhambeni nasekhaya ngo-Okthoba.
Emilenzeni emibili yokuqala uBroos ubize injenjane nokulandelwe zikhalo zokushiya abadlali abambalwa asebevuthiwe kwiPremiership njengoThemba Zwane no-Andile Jali kwabanye.
Yize engababizanga laba uBroos kodwa ubafakile abadlali abasefomini okubalwa kubo uThabani Zuke oyinjini yeLamontvile Golden Arrow noJesse Donn oweSuperSport United.
Kwabazinze KwaZulu-Natal kubizwe uTercious Malepe waMaZulu nobengukaputeni we-Under 23 eJapan ngo-Agasti.
Kusazokhalisa ukusala kukaThemba Zwane kodwa kubizwe uVincent Pule we-Orlando Pirates kwazise ushisa namuhla abande inyanga yonke.
UPule kwabePirates uhambisana noTshegofasto Mabasa oqale ngemofu enhle phambi kwamapali.
Abanye abasha kuBroos nguLuke Fleurs weSuperSport, abeCape Town City, uTerrence Mashego noMduduzi Mdantsane.
IBafana igasela e-Ethiopia ngo-Okthoba 9 ngaphambi kokuyivala eFNB Stadium ngo-Okthoba 12.
E-FNB Stadium yilapho inqume khona iGhana ngo 1-0 oyibeke eqhulwini likaGroup G ovalwe ngeZimbabwe ababambane nayo ngo 0-0 ekuhambeni kowokuqala.
Sesisonke isikwati sikaBroos:
Onozinti:
Ronwen Williams (Supersport United FC) Veli Mothwa (AmaZulu FC) Bruce Bvuma (Kaizer Chiefs FC) Sifiso Mlungwana (Golden Arrows FC)
Emuva:
Sydney Mobbie (Sekhukhune United FC) Thapelo Morena (Mamelodi Sundowns FC) Njabulo Blom (Kaizer Chiefs FC) Terrence Mashego (Cape Town City FC) Sifiso Hlanti (Kaizer Chiefs FC) Vusi Sibiya (Baroka FC) Rushine De Reuk (Mamelodi Sundowns FC), Siyanda Xulu (Hapoel Tel Aviv) Thibang Phete (Belenenses SAD) Njabulo Ngcobo (Kaizer Chiefs FC) Mosa Lebusa (Mamelodi Sundowns FC) Luke Fleurs (SuperSport United FC) Tercious Malepe (AmaZulu FC)
Esiswini:
Thabani Zuke (Golden Arrows FC) Mothobi Mvala (Mamelodi Sundowns FC) Sphephelo Sithole (Belenenses FC) Yusurf Maart (Sekhukhune FC), Teboho Mokoena (SuperSport United FC) Goodman Mosele (Orlando Pirates FC) Ethan Brooks (TS Galaxy FC) Jesse Donn (SuperSport United FC)
Phambili:
Thabiso Kutumela (Mamelodi Sundowns FC) Bongokuhle Hlongwane (Maritzburg United FC) Evidence Makgopa (Baroka FC) Victor Letsoalo (Royal Am FC) Luther Singh (F.C Copenhagen), Percy Tau (Al Ahly FC ) Vincent Pule (Orlando Pirates FC) Mduduzi Mdantsane (Cape Town City FC) Tshegofatso Mabasa (Orlando Pirates FC).