BABOSHELWE nogodo ompetha beCaf Champions League (CCL) bango-2016, iMamelodi Sundowns, abaqhathwe nezinkunzi zase-Egypt, i-Al Ahly kuma-quarterfinal alo mqhudelwano.
Ukuqhathwa kwalezi zinkunzi kuzovusa amagqubu owamanqamu ango-2001 nowanqotshwa ingcaca yiCairo Red Devils.
Iqembu laseGuinea, iHoroya, elimangaze abantu lixosha umqeqeshi olifake kuma-quarterfinal, liqhathwe nezingqwele zaseMoroca iWydad Casablanca.
IHoroya ixoshe kungazelelwe uPatrice Neveu waseFrance oyisize yaqeda ilele isibili kuGroup B ilandela i-Esperance of Tunisia.
Ibivule igebe lamaphuzu amane kwi-Orlando Pirates eqede endaweni yesithathu nabayithele u 2-1 beyikhipha ngoMgqibelo owedlule.
Isikhala sikaNeveu sivalwe ngomkhaya wakhe uDidier da Rosa owafaka iCoton Sport yaseCameroon kuma-semi final eCAF Confederations Cup ngo-2014.
Ngemuva kwalokho umengameli weHoroya u-Antonio Souare umemezele ukuthi ufuna iqembu lifinyelele kuma-semifinal kwazise ngo-2018 likhishwe yi-Ahly kuma-quarterfinal.
ISimba yaseTanzania, elinye lamaqembu angene kulesi sigaba engabhekiwe, iqhathwe neTP Mazembe yaseDemocratic Republic of Congo esisiqukule kahlanu isicoco. -supersport.com no-malibongwe mdletshe
Kuqhathwe kanje:
Quarterfinals
CS Constantine (ALG) v Esperance (TUN, holders)
Mamelodi Sundowns (RSA) v Al Ahly (EGY)
Horoya AC (GUI) v Wydad Casablanca (MAR)
Simba SC (TAN) v TP Mazembe (COD)
First legs: April 5/6, second: April 12/13
Semifinals
Horoya/Wydad v Sundowns/Ahly
Constantine/Esperance v Simba/Mazembe
First legs: April 26/27, second: May 3/4
Final
Horoya/Wydad/Sundowns/Ahly v Constantine/Esperance/Simba/Mazembe
First leg: May 24/25, second: May 31/June 1