UKUSHINTSHA abaqeqeshi sekusele amahora angaphezudlwana kwangu-24 lisuke lihlale kwi-2018 Fifa World, kuzokwenza umhlaba wonke uyihlahele amehlo imidlalo yeSpain.
Ompetha be-2010 FIFAWorld Cup edlalelwe eNingizimu Afrika, bazoqala inyathuko yabo eRussia eFisht Stadium, eSochi kusasa ngo-8 ebusuku sebecijwa nguFernando Hierro.
BREAKING: Spain have sacked manager Julen Lopetegui with just one day to go till the start of the World Cup after the Spaniard had "secret agreements" with Real Madrid to be their new manager without informing the Spanish FA. pic.twitter.com/0xPGXJghSX
— FIFA World Cup (@WorIdCupUpdates) June 13, 2018
UHierro uqashwe yinhlangano eyengamele ibhola Spain ngoLwesithathu emini ngemuva kokuxoshwa isigubhukane kukaJulen Lopetegui khona izolo.
ULopetegui uxoshelwe ukuthatha umsebenzi wokucija iReal Madrid uma ebuya kwiWorld Cup.
Kuvele ngoLwesibili ukuthi uLopetegui uvume inkontileka yeminyaka emithathu ecija iReal, eshiywe ngumqeqeshi oyinqobise ama-Eufa Champions League amathathu, uZinedine Zidane.
UHierro ubevele ekhona ethimbeni losomaqhinga beSpain kwazise ubengumqondisi webhola.
ISpain iboshelwe nePortugal, Iran neMorocco.
Spanish FA president, Luis Rubiales:
“Lopetegui’s been a great coach, but we can’t accept this behaviour. This has been done without our knowledge. The FA cannot be left outside the negotiation of one of its employees and find out just 5 mins before a public announcement.” pic.twitter.com/P275A9CQfB
— Arsène's Son (@hughwizzy) June 13, 2018
Abadlali baseSpain okubalwa kubo uSergio Ramos kubikwa ukuthi bazamile ukuncenga iSpanish FA ukuthi singamxoshi umqeqeshi. Isithombe: Reuters Bheka ezinye eizthinta i-2018 Fifa World Cup kwiDiski Yomhlaba kwiSolezwe ngoMgqibelo nakwi-Isomag kwi-Isolezwe ngeSonto.