AKAYINGENI eyamaqembu amakhulu umdlali weKe Yona, uNhlanhla Ntuli, ofuna ukuzakhela igama ebholeni laseMzansi.

OBENGUMQEQESHI we-Orlando Pirates, uMilutin “Micho” Sredojevic, uthi kuphenduleke nalabo ababengabaza amagalelo akhe okunqoba izicoco ngokuhola iZamalek ithatha isicoco i-Egyptian Cup ngempelasonto.

UMQEQESHI wenkulisa kwiKaizer Chiefs, uDonald “Ace” Khuse, ubona omunye wabagadli baleli qembu ezoshaya amagoli angaphezu kweshumi kule sizini.

UMQEQESHI weMamelodi Sundowns uPitso Mosimane ohlalelwe wukuhlelela imidlalo emibili emqoka, uthi ngeke alihlomekele iqembu laseSeychelles iCote d’ Or abazodlala nalo koweCAF Champions League.

USALE ephoxekile umqeqeshi weBafana Bafana, uMolefi Ntseki, ngokuhoxa kwemidlalo yabo yobungani ngenxa yodlame olubhekiswe kwabokufika olubhebhethekile eNingizimu Afrika ngesonto eledlule.

UYAZIGXEKA ngokuxina umdlali omusha ngemidlalo umqeqeshi weKaizer Chiefs, u-Ernst Middendorp, ongayazi induku kusukela kuqale isizini ka-2019/2020.

UJABULE wabuya nganeno umqeqeshi weqembu lesizwe lika-Under 23, uDavid Notoane, ezakhe zithela isibhaxu iZimbabwe emlenzeni wokuqala wokuhlungela i-Africa Cup of Nations (Afcon) e-Orlando Stadium ngeLwesihlanu.

IZINTANDOKAZI zamaqembu aseSoweto, iKaizer Chiefs ne-Orlando Pirates, ziqale isizini ka-2019/2020 njengempumalanga nentshonalanga kodwa okufanayo ngazo wukuhaqeka komavula kuvaliwe balezi zinkunzi okunguThembinkosi Lorch noKhama Billiat.

UKUBUYA kwefomu ka-Eric “Tower” Mathoho kubukeka kuxhumene nokuvuka kwabafileyo kweKaizer Chiefs, eqale kahle isizini ka-2019/2020 ukuwedlula wonke amaqembu ebanga nawo uR15 million kwi-Absa Premiership.

UJEREMY “Sniper “Brockie obolekiswe isizini yonke ka-2019/2020 kwiMaritzburg United, ubheke umklomelo womshayi magoli ovelele kwiPremier Soccer League (PSL).

UZAMA inkontileka kwiMoroka Swallows esigabeni iGladAfrica Championship owayeyisiqongqwane seMamelodi Sundowns, uVuyo Mere, ochithwe yiBidvest Wits ngasekuqaleni kwesizini.

UMENGAMELI weSouth African Football Association (Safa) uDanny Jordaan, uchazele abadlali beBafana Bafana ngesizathu esiholele ekutheni baqoke uMolefi Ntseki njengomqeqeshi omusha weqembu.

ZIZOBUYA izinsuku zenjabulo kwi-Orlando Pirates, inqobo nje uma abalandeli bezonika uRulani Mokwena ithuba.

UMPETHA womhlaba kwi-800m uCaster Semenya usejoyine iqembu lebhola. Lezi zindaba ziqinisekiswe izolo yiJVW okuyiqembu likakaputeni weBanyana Banyana uJanine van Wyk elidlala kwiSasol Provincial League eGauteng.

KUFANISWE negiya eliya emuva ukuphuma ekuseni kweBanyana Banyana emidlalweni yokuhlungela ama-Olympic aseTokyo ngonyaka ozayo.

UMQEQESHI waMaZulu FC adlala kwiMultichoice Diski Challenge (MDC), U-Ayanda Dlamini, ubona kuzobakhulisa abadlali bakhe abasebancane ukusheshe babhekane namaqembu aqinile kule ligi.