ISekhukhune United sidedele unozinti silungiselela isizini entsha
Badra Ali Sangaré
Image: X
ISekhukhune United ngabe iphoxekile ngokuphuthelwa yibhola lezwekazi i-Afrika ngemuva kokuqeda endaweni yesine kuBetway Premiership ngesizini edlule, kodwa iBa Bina Noko ibonakala ynelisekile ngeskimu njengoba ikhethe ukuhlala nabadlali bayo abaningi.
Leli qembu, elidlalela imidlalo yalo yasekhaya ePeter Mokaba Stadium, ePolokwane nakuba lizinze eBedfordview, eGoli, lelule izinkontileka zabadlali abahlanu abamqoka njengoba libheke ukuqhubeka nabadlali abahamba phambili kuligi.
Ukaputeni uLinda Mntambo kanye nesekela likakaputeni uDaniel Cardoso bobabili basayine izivumelwano ezintsha njengoba izinkontileka zabo zifinyelele esiphethweni ekupheleni kukaJuni - okukhombisa ngokusobala ukuthi iSekhukhune ibheke ukwakha ubuholi obusha ngalaba abaneminyaka engu-35 no-36 ngokulandelana.
ISekhukhune United ngabe iphoxekile ngokuphuthelwa yibhola lezwekazi i-Afrika ngemuva kokuqeda endaweni yesine kuBetway Premiership ngesizini edlule, kodwa iBa Bina Noko ibonakala ynelisekile ngeskimu njengoba ikhethe ukuhlala nabadlali bayo abaningi.
Image: Backpagepix
Abanye abasasele kukhona uChibuike Ohizu, Tresor Tshibwabwa noVusimusi Ncube, bonke ababalulekile ezifisweni zomqeqeshi u-Eric Tinkler zokuguqula iSekhukhune ibe yiqembu labathathu futhi libuyele emizamweni yokudlala kuCAF.
Leli qembu like ladlala e-Afrika ngemuva kokufinyelela kowamanqamu weNedbank Cup.Nokho, kukhona okuphawulekayo ngokuhamba komdlali oyedwa.
Unozinti wase-Ivory Coast, u-Badra Ali Sangare, ushiye iqembu ngemuva kokuphela kwenkontileka yakhe ekupheleni kukaJuni. Umnqobi we-Africa Cup of Nations ka-2021 ube ngumdlali obalulekile kuSekhukhune kusukela ejoyine ngo-2022, ebambe iqhaza elibalulekile ekunyukeni kwezinga labo kuPSL.
Iqembu likuqinisekisile ukuphuma kwakhe ngoLwesibili ekuseni ngomyalezo wokumvalelisa