I-ORLANDO Pirates idlulele esigabeni sama-quarterfinal kwiCaf Confederation Cup phezu kokwehlulwa i-Enyimba yaseNigeria ekuhambeni ngoLwesithathu ebusuku.
EZimnyama ziguqe ngo 1-0 kanti beziqala ukwehlulwa kuleli qoqo. Igoli le-Enyimba ebisihlasela ngamandla esiwombeni sesibili lingene umdlalo usuys ngasekupheleni libekwa uCyril Olisema.
Womabili amaqembu angenile kuma-quartefinal.
Ayalingana ngamaphuzu ayisishiyagalolunye kodwa iBucs iqhwakele kwazise yayihlula ngo 2-1 i-Enyimba kuleli.
Ngokungena kulesi sigaba iPirates ilandele amanye amaqembu as eNingizimu Afrika as akhona emiqhudelwaneni yeCaf.
IMamelodi Sundowns neKaizer Chiefs bona bazodlala esigabeni esifanayo kwiChampions League.
Amaqembu eChampions League nawe Confederation Cup azodlala kuma-quartefinal azoqhathwa ngoLwesihlanu.