IBAFANA Bafana yenze abalandeli bayo abangasakuphi ngisho belele ishaya amagoli amathathu inquma ngo 3-1 i-Ethiopia ekuhambeni, eBahir Dar Stadium kweyokuhlungela i-2022 Fifa World Cup ngoMgqibelo ntambama.
IBafana ivule amagoli ngonyawo likaTeboho Mokoena ophiwe ngomzuzu ka-46 igoli kuboza unozinti we-Ethiopia, uFasil Gebremicheal.
UGetaneh Kebede, oke wadlala kwiBidvest Wits, ngomzuzu ka-67 ushayele i-Ethiopia elokulinganisa nokube yigoli lokuqala ukungenela iBafana ngaphansi kukaBroos.
Nokho amagoli kaMsekeli Mvala ngomuzuka-71 no-Evidence Makgopa ngoka-91, nge-Ethiopia amisa nesibindi esinqumeni sikaBroos sokuliqala kabusha iqembu ngabadlali abasebancane futhi nangale kokubheka amagama abo nawamaqembu abadlala kuwo.
Umlenze wesibili useFNB Stadium, eSoweto ngoLwesibili ngo-6 ntambama.
Kulindelwe kulo mdlalo kuvunyelwe okokuqala izibukei zingene enkundleni nokuyinto eyagcina ngoMashi 2020 ngaphambi kokuqala umvalelilandlini wokunqanda ukubheduka kweCovid-19.
Thola kabanzi ngalokhu odabeni lweSolezwe ngeSonto kusasa.
Ilog yeGroup G (yenziwa ngaphambi komdlalo weGhana neZimbabwe)
Iqembu P W D L F A Pts
South Africa 3 2 1 0 4 1 7
Ghana 2 1 0 1 1 1 3
Ethiopia 3 1 0 2 2 4 3
Zimbabwe 2 0 1 1 0 1 1