UMNYANGO wezemiDlalo, ubuCiko namaSiko usumemezele uhlu lwalabo abaqokelwe amaSouth African Sport Awards (SASA) anonyaka.
Lo mcimbi, ozobe ugujwa okwesi-17 kulo nyaka, uzoba seSun City Superbowl eNorth West ngoMeyi 5.
Kuneminxa engu-19 lapho kuzohlonishwa khona abenze kahle emikhakheni ehlukene yezemidlalo kusukela ngoSepthemba 1 ka-2022 kuya ku-Agasti 31 nyakenye.
Abadlali, abaqeqeshi kanye neqembu lesizwe lebhola lombhoxo lakuleli, amaBhokobhoko, baqokwe eminxeni eminingi kulandela impumelelo yabo ngonyaka odlule ngesikhathi bevikela iNdebe yoMhlaba eFrance.
Ukaputeni, uSiya Kolisi, usethubeni lokuwina indondo yeSports Star of the Year, u-Eben Etzebeth uqokwe emunxeni weSportsman of the Year bese uMannie Libbok eqokwa koweNewcomer of the Year.
Umqeqeshi, uJacques Nienaber ungomunye walabo abazobe bebanga indondo yeCoach of the Year, amaBhokobhoko azobe ebheke ukuthatha umklomelo weTeam of the Year, bobabili uKolisi no-Etzebeth basethubeni lokuthola indondo yePeople’s Choice ezovotelwa ngumphakathi.
“Ama-South African Sports Awards enzeka esikhathini esibalulekile emlandweni waseNingizimu Afrika. Sigubha iminyaka engu-30 yentando yeningi futhi abadlali bethu kanye namaqembu bebelokhu belindizisa ifulegi lakuleli. Kuma-SA Sports Awards sibungaza indima edlalwa ezemidlalo yokuhlanganisa abantu bakuleli, nasekukhuphuleni umoya wenjabulo ezweni,” kusho uNgqongqoshe woMnyango wezemiDlalo, ezobuCiko namaSiko, uZizi Kodwa esitatimendeni ngemuva kokumenyezelwa kwabaqokiwe ngoLwesithathu ebusuku.
*Abafisa ukuvota emunxeni wePeople’s Choice kufanele baqhafaze u- 120*32020# bese befaka uhlamvu oluqondene nalowo abamvotelayo.
Abaqokwe emikhakheni eyahlukene:
SPORTSWOMAN OF THE YEAR
Kisten Neuschafer
Tatjana Smith
Laura Wolvaardt
SPORTSMAN OF THE YEAR
Andrew Birkett
Eben Etzebeth
Sivenathi Nontshinga
SPORTSMAN OF THE YEAR WITH A DISABILITY
Mpumelelo Mhlongo
Donald Tebogo Ramphadi
David Watts
SPORTSWOMAN OF THE YEAR WITH A DISABILITY
Simone Kruger
Kat Swanepoel
Kgothatso Montjane
COACH OF THE YEAR
Jacques Nienaber
Rocco Meiring
Jason Sewanyana
SPORT ADMINISTRATOR OF THE YEAR
Mark Alexander
Sibongile Fondini
Louis Polome
SPORTS JOURNALIST OF THE YEAR
Khanyiso Tshwaku
Sihle Ndebele
Vaylen Kirtley
SPORT PHOTO OR VISUAL JOURNALIST OF THE YEAR
Samuel Shivambo
Vincent Matlou
Kirsten Olivier
NEWCOMER OF THE YEAR
Gerald Coetzee
Manie Libbok
Karabo Cassius Morapedi
Elanza Jordaan"
VOLUNTEER OF THE YEAR
Hubert Oliphant
Beka Ntsangwese
Zelma Basson
TEAM OF THE YEAR
Springboks
T20 Women Cricket team
Sheep Shearing SA
FEDERATION OF THE YEAR
South African Rugby Union
Cricket South Africa
Cycling South Africa
RECREATION BODY OF THE YEAR
Amandal WC
Vakhegula-Vhakhegula
Made 4 More
INDIGENOUS GAME TEAM
KZN Kho-Kho Male Team
LP Nvuca Team
GP Diketo Team
SCHOOL TEAM OF THE YEAR
Hoer Lanbouskool Oakdale - Tug of War
Afrikaanse Hoer Meisiesko - Netball
Clapham High School - Football
DEVELOPING SCHOOL OF THE YEAR
Edendale Technical High School Under-15 Girls
MM Sebitloane Special School
Hlabi School
TECHINCAL OFFICIAL OF THE YEAR
Sean Rapaport
Reinet Barnard
Aimee Barrett-Theron
SPORTS STAR OF THE YEAR
Siyamthanda “Siya” Kolisi
Tatjana Smith
Simone Kruger
PEOPLE'S CHOICE
A: Eben Etzebeth
B: Gerda Steyn
C: Siyamthanda “Siya” Kolisi
D: Percy Tau
E: Kirsten Neuschafer